Gasteizko Alde Zaharreko proiektuaren banakako azken ematea

Hemen dugu hilabete honetan garatu dugun proiektuaren emaitza. Ariketa azkarra izan arren, ahal den moduan, hainbestetan errepikatu dudan BASOAren metafora arkitektura proiektu batean garatzen saiatu naiz. 

Gasteizko Alde Zaharrean Eraztun Berdea sartzeko nahia argi eta garbi ikusten da. Baso baten bidez barneratuko da, hala ere metafora gisa gelditu da. Behin proiektatzen jartzean, metafora hau ibilbide osoan ondoan mantenduz, adierazteko modu desberdinak analizatu dira eta azkenean modu abstraktuago batean adierazi da, arkitekturarantz bideratuz. Eraztun Berdea dela eta, proiektua ahal den ekologikoena egitea izan da beste erronka. 

Baso sentsazioa sortzen saiatu naiz eta burura etortzen zaidan lehenengo hitza NAHASMENA da, eta hau adierazi nahi izan dut. Nahasmen honen barruan ordena egotea komeni da proiektuaren gerorako garapenerako, beraz, bai zuhaitzak, baita eraikinak ere, erretikula baten bitartez antolatuko dira. Erretikula hau partzela osoan zabalduko da eta honek lan-eremua finkatuko du, bestelako trataera desberdina izanez, kalearen antzekoa, baita hormigoizkoa, baina kolore ilunago batez. Erretikula honetan, esan bezala, guztia antolatuko da modu orekatu batean, baina gune zabalagoak aurkituko dira zenbait puntutan, espazio gehiago behar duten erabilerendako.

                                               ZUHAITZ MOTAK ETA PLATAFORMAK 

"Zutabe" mota desberdinak (bai tamainan eta baita forman ere) erabili dira baso sentsazioa sortzeko eta metafora aurrera eramanda, baina beste modu batean, adibidez, arbolak ez baitituzte goiko kopa.

Guzti hauei nolabaiteko erabilera eman zaie, eta modu honetan jendeari erakargarriagoa egiteko pausoa eman da. Zutabeak biltegiak, argiztapena.... izan daitezke, joku polita sortuz partzela osoan banatua.

Zutabe hauen bidez basoaren metafora are gehiago sendotzeko, hauetara igotzeko aukera ere eman nahi izan dut, beraz, zuhaitzen goikaldean plataformak kokatu ditut, beste gauza batzuen artean, ikuspegi desberdinez gozatzeko aukera izango genuke. Goian ditugun moduan, behealdean ere plataforma antzekoak kokatuko ditugu, tamaina txikiagokoak izango direnak eta eserleku moduan erabiliko dira.

Plataforma hauek, gainean kokatzen diren eraikinak bezala, espazio estaliak sortzen dituzte. Espazio estali hauek edozein garaitan erabiltzeko aukera ematen digu. Baita zenbait zutabek ahalbidetzen diguten toldoarekin.

                                                                                             ERAIKINAK

Bestalde, eraikinak ditugu, hau izango dira gunean egongo diren txokorik "itxienak". Kasu honetan baita lur mailan edo zuhaitzen gainean aurkitiko ditugu. Lur mailan txikienak aurkituko dira, biltegiak eta komunak direla kasu. Goikaldean erabilera publikoagoak dituzten erabilerak egongo dira. Erakin arinak sortzeko nahian, aldamioez eta azal batez osaturiko kuboak sortu ditut.

Montaia oso erraza izango da, aldamioez eta azal batez soilik eraikitzen diralako. Erraza izateaz gain oso azkarra eta moldagarria da, ez dago inolako arazorik gehiago egin edota moldatu nahi badira.

Eraikintxo hauen barne banaketa guztiz librea izango da (erabilera guztiz libreak diren moduan).

Gune "itxiak" izango dira, baina erabilitako fatxada dela eta barne-kanpo harremana erabat egokia izango da, bai kanpotik baita barnera ere ikuspegi guztiz librea izango litzateke, zintak opakoak edota zehar-argiak baitira.Baita ere, zintez osatuta dagoenez, harreman hau are gehiago hobetuko duen ezaugarri bat gehitu zaio, zinta hauek edozein momentutan kendu ahal direlako.

Guzti honetan argi ikusi dezakegu beste puntu askoren artean:

_ Edozein momentutan eta egiten duen eguraldia egiten duelarik erabili ahal den gunea dela, hau da, 24 orduz zabalik egongo da, ez baitago inolaz ere mugatuta eta espazio irekiak zein itxiak ditu, estali gabeak zein estaliak...

_ Erabilera guztiz libreak dira, gune irekiak zein itxiak, estaliak edota estali gabeak, handiagoak edo txikiagoak...

       - Erakusketa zuhaitzen artean tirak sortuz

       - Jan, edan, musika entzun, irakurri ... nahi den gunetan, bai lur mailan bai    

         plataformetan, bai estalirik edo ez....

       - Dantza, hitzaldiak ... espazio irekiak eta itxiak, beharren arabera. Gainera 

         palkoak ahalbidetzen dira.... 

_ Momentu guztian mugimenduan egongo den proiektua izango da, errealitatean basoan gertatzen den moduan, zuhaitzak eta eraikinak hazteko aukera argia dute.

 

Zer da METAFORA eta zer ARKITEKTURA ?

Metafora eta arkitektura lotura dute, baina desberdindu behar dira. Azken zuzenketaren ondoren, metafora alde batera uztea eta aurrera segitzean gelditu ginen (nolabait presente izanda betiere hala ere).

Arkitekturako proiektu bat: jendea erakarri behar du, beraz, egin beharrekoa beti jendearen nahietara egokitzea da. Gauza denek zentzu bat izan behar dute, nolabait eginbehar bat...

Beraz, esan bezala, basoaren zuhaitzen metafora albo batean presente izanda, arkitekturaren ikuspegira begiratu behar dugu, zuhaitz denek arkitektura proiektu bat egiteko bidea hartu behar dute . Modu honetan, guztiek zergati bat izan behar dute eta honetarako funtzio bat egokituko zaie. Funtzio guzti hauek proiektuaren dinamikarako eta borobiltzerako fabore egin behar die.

Bestelako zergati bat ekonomia izan daiteke adibidez, argi dago proiektu honek kostu handia izango duela (seguraski errealitatean ez zena egingo); beraz, lagun diezaiogun proiektu honi beste alde batetik positiboki lagunduko dioten ezaugarriak gehitzen eta kostu horri "erantzun" emanez.

METAFORA -> Basoa eta hau osatzen duten zuhaitzek.
ARKITEKTURA -> Basoaren desorden eta definizio ezaren sentsazioa, betiere (gizakiak nahi duenean) hazten dagoen gunea, bai eraikinak baita "zuhaitzak" ere (metafora mantenduz), baina  arkitekturan zuhaitzen kopak desagertu dira zutabe bihurtuz, material desberdinak erabili dira eta funtzioak eman zaizkie "zutabe" guztiei. Esan bezala arkitektura proiektuari erantzun emateko.

Momentu oro mugimenduan dagoen proiektua izango da:
_ Arbolak hazteko eta gehiago jartzeko aukera
_ Eraikinak hazteko, aldatzeko, irekitzeko edo ixteko, kanpo/barne harremana,zintak jarri/kendu...
_ Erabilerak edonon edozer egin daiteke eta erabilerak libreak ....

Guzti hau gehienbat gizakiaren esku egongo da...

Aldamioen ikerketa ....

Metafora BASOA da, hala ere, arkitekturako ikuspegia argi eta garbi izan behar dugu. Ongi dago zerbaitetan inspiratzea, baina desberdintzean datza gakoa...

Proiektuaren zati batean, eraikinen montaian, hain zuzen ere, aldamioen montaiaren ikerketa egin behar izan dut, nire hasierako ideia aurrera eramanez: aldamioek egituran lana egitea eta aluzinc-ezko zintak azalarena.

Hala ere, nire eraikinen eskalara moldatu beharko dut. Gainera, normalean aldamioetan komunikazioak, hauen bi azalaen artean jartzen dira, nire kasuan eraikinara heltzeko "zuhaitzetan" jarriko ditu komunikazioak. Agian, zinten jokoarentzat barra horizontal gehiago jarri beharko nituzke.

                                                                                        ALDAMIOAK

Esan bezala aldamioa egin beharreko lanaren eskalara moldatu behar da. Inondik ere ez dugu montai berdinean fabrikante edo modelo desberdinak. Erabilitako materialak kalitate oneak izan behar dira, egora onean daudenak. Kontu handia izan behar dugu tutuekin, ezin dira oxidaturik egon edota bestelako erabileterako erabili izan direnak. 

Montaia eta desmontaiaren pausoak hurrengoak dira, soilik, desmontatzean alderantzizko prozedura egin beharko dugu....

Argi dago, aldamioen montaian aldaketak egon beharko direla nire kasuan....

Proiektu ekologikoa eta birziklagarria izatearen nahia hemen agertzen da, aldamioak desmonta daitezke hurrengo proeiktu baterako eta, baita Aluzinc ere, birziklatzeko aukera dauka...

Basoarekin aurrera....

                                         Azken zuzenketara eramandako materiala

Aurrekoan esan moduan, gure partzelan "basoa" integratzeko erretikula bat erabili behar dut. 1x1 metroko erretikula izango da, Cuchilleria kaleko eta alboetako partzelen ardatzak mantenduz. 

Erretikula hau espazio guztia antolatzeko balio izango digu, eraikintxoak eta "zuhaitzak" honen arabera kokatuko ditugu. "Zuhaitzak" modu desordenatuan kokatuko ditugu, hala ere, erretikulari esker antolamendu ezkutu bat izango du. Bestalde, eraikinak bestelako eskala batekoak direnez, karratu gehiago beharko dituzte. Batzuek lur mailan kokatuko dira, txikienak, biltegiak eta komuna direnak; eraikin handienak, aldiz, erabilera anitzeko guneak izango direnak, "zuhaitzen" gainean kokatuko dira, hauen egitura lana eginez. 

Elementu guzti hauen altuera desberdinak izango dituzte:
    _ZUHAITZAK   3, 4, 5 eta 6 metrokoak izango dira. Erabilera anitzen
                     erakinen inguruko eraikinak izango dira altuera gehien
                     izango dutenak (geroko plataformentzat), baita 
                     aurrealdeko sarrerakoak ere.
    _ ERAIKINAK     lur-mailakoak  2 metro izango dituzte, ez baitute 
                                          gehiago behar.
                                altuerakoak 3 metro izango dituzte, erabilera 
                                        publikoagokoak baitira.

Guztia antolatua dagoen momentuan, plataformak kokatuko dira. Behealdean kokatuko dira banku sinpleak izango balira bezala, orube osoan zehar (marrazkian ez dira agertzen). Bestalde, plataforma esanguratsuenak goikaldean kokatuko dira. Bi gunetan gehienbat: atzekaldean, plataforma gune bat sortuz, batetik bestera pasatzeko aukerarekin, baina altuera desberdinetan; eta eraikinen inguruan, eraikinen "transparentzia" dela eta, barneranzko ikuspegi bat ahalbidetzen du eta palko modura lan egingo zuten. Plataforma hauetan, bai goikaldekoetan, baita lur mailakoetan ere, erabilera ugari eman daitezke, inolako mugarik gabe: irakurra, jan, edan, lo egin, eguzki hartu... 

_"Zuhaitzen" analisia

"Zuhaitzak" Corten altzairuzkoak izango dira eta forma biribila izango dute. Lurrean zapata antzeko batekin lotuko da, lotura sendoa sortuz, zenbat kasutan guztiz beharrezko baita. 

Aurretik esan bezala, tamaina desberdineko "zuhaitzak" egongo dira eta hauen tamainaren arabera forma desberdinak izango dituzte. Forma hauen arabera funtzio desberdinak izan ditzakete eta gainera fabore bat egingo dio, adibidez, batzuk argiztapenerako erabili ahal izatea. *(modifikazioa)

Plataforma izango duten "zuhaitzek" besteen berdinak izango dira itxuraz, goialdean plataforma kokatzeak desberdinduko die. Plataformaren plakaran (Corten) eta zutabearen arteko lotura soldaduraz egingo da, gerora plakaren gainean egurrezko xafla batzuk gehituko zaizkio, erosotasunaren eta samurtasunaren aldekoak.

Plataformara igotzeko komunikazioa eskailera sinple batzuen bitartez egingo da. Eskalatzen gindoazen bezala igo beharko ginake. Hauek ere Cortenezkoak izango dira eta soldaduraz lotuko dira. *(modifikazioa)

Orri honen azpialdean ikusi dezakegun bezala, partzela osoan gune desberdinak izango dira, inolako banaketarik gabe. *(modifikazioa)

_Eraikinen analisia


Eraikinaren montaia berdina izaten mantenduko da, aldamioa egingo da lehenengo eta gerora azala jarriko zaio, Aluzinc materialezkoa. Aldamioa egiteko modua guztiz sinplea da eta baita azkarra ere. Azala gainean kokatuko da eta muturretan grapatu egingo da.

"Zuhaitzek" eutsiko dute eraikina eta lotura zuzena izango dute tarteko elementu bati esker. Zutabeen arteko loturako elementuak egongo dira (Cortenezko "habeak-habexkak"), azpialdean sare antzeko bat sortuz, nolabaiteko sendotasuna eskeiniz. Zenbait kasutan zutabetik adarren bat gehiago urtengo da, sendotasun gehiago emateko (detaile batzuk daude orrietan).

Eraikin handiena ere modu berdinean egingo da, hala ere, beheko sarea desberdina izango da, beheko zutabeen ("zuhaitzen") kokapena dela eta.

Ikus dezakegun moduan, aldamioan eta zutabea modu errazean lotuko genuke,   tarteko pieza bat esker, gainera fatxadaren azal sentsazioarekin guztiz disimulatzen da. Aluzinc materialaz egingo da azal hauen eta guztiz moldagarria denez, edonola kokatu daiteke.

                                   Zuzenketa ondorengo proposamen gehiago

                                                                      * (modifikazioak)

_ Espazioaren antolaketan gune zabalagoren bat sortu, biltzeko guneak-

         - Agian kolore batekin mugatu

_ "Zuhaitz" guztiei erabileraren bat eman (orain hartu gutxi batzuk bakarrik zuten beharra).

         - Toldoa gorde

         - Toldoa sostengatu

         - Iturria

         - Kalefaktorea

         - Eraikinen sostengu

         ...

Hau da, erabilerak finkatu.

Jendea are gehiago erakartzeko modua izan ahal da.

_ Eraikuntza xehetasuna (eraikinaren babesa...)

_  Kolore markaren bat sartu.